معدات مطعم للبيع والبيع عتبة

مشروع كامل بسعر 97 ألف

عد فلوسك قبل ماتتصل

السعر ما تدويش معاي فيه نهائي

3 سرنتيات ايجارهم 2400 ويديرلك عقد لمدة 3 سنوات قابل للتجديد ومرات صاحب العقار يزيد يراعيك لما بتشري مني انت ولسانك. صاحب العقار رجل محترم

الموقع بين كوبري السواني وكوبري قصر بن غشير

العرض ساري لعند يوم 27/05 سارع بالاتصال لان بعد التاريخ هوا حنطر نبيع معدات وبنسكر

اسباب التسكير: عدم التفرغ وقلة الفضوة لإدارة المشروع ونفخ العمال

المعدات تبي واحد مهيئ ويمشي معاه الجو انا ما مشاش معاي. يعلم الله ان هذه اسبابي. وليا سنة وشوي فاتح.

معدات القهوة مكينة تحلية ماكينة رنشيلو 3 براتشو زوز رحايات سانماركو ماكينة كريب زوجية ماكينة وافل ماكينة بان كيك كوشة بريوش كبيرة 2 خلاطات جي تي سي أصليات الوكيل ثلاجة عرض شنايزر متر ونص مضرب نسكافيه ثلاجة حليب بفريزها مع رفيز صغير 60 سم رخام جالكسي ودولاب وغيره من امور ثانية تلقاها في الصور.

معدات المطعم:

ماكينة دجاج محمر فرن بيتزا ايطالي زوز طاولات ستيل قرل حجري قرل عادي خلاط صوصات قلاية بطاطا مطبخ تحضير به طاولات حديد ورخام مصري واحواض غسيل وثلاجتين وفريز متر و10 سانتي 4 بنابل غاز طراحة وعجانة وطاولة عجن وطاولة فترينة مكبس سندوتشات وبانيو ماريا

المكان يحتوي على طاولات وكراسي داخلية وطاولات وكراسي خارجية ثلاجة امية وثلاجة عصاير مضلات ثابتة ومضلات متحركة منظومة مبيعات 4 مكيفات زوز 18 auX اصليات حماية كهربية للمطعم بالكامل فلاشات خارجية لافتات والخ.

المكان شغال إيرداته من يوم 1/6 إلي يوم 31/12 العام الي فات اكثر من نص مليون " كمبيعات بصفة عامة يعني.

لما بدت السنة الجديددة معش فضيتله وقفت الوجبات والسندوتشات تدريجي وحاليا يخدم معجنات وقهاوي فقط ومبيعاته اليومية في حدود ال1500 الي 2000

كل شي قلته واضح وصريح جدا فيه المكان بتشريه انت بالسعر الي انا حاطه والله ما وصلت ثلث التكلفة الي مكلفهالي. لو بتشغله بطاقته كاملة مبيعاته في السنة مش اقل من مليون نديرو ربحه 10 في المية بس انت في سنة خالص والزايد هذه بحسبه بسيطة وبأتفه الحسابات

مانجحش معاك المشروع وبتبيعه كمعدات سعره فيه والزايد

بتقولي خيرك ما تبيعاش بالقطعة بنقولك لنهاية الشهر ليوم 27 لو ماجاش الشراي وما بعتاش كامل حنطر نبيعه بالقطعة وبارك الله لكم في ارزاقكم

بالله نفخ لو سمحتو ومساومة ما نبيش لانه والله ما تبي حسبه وما تعتبر اصلا مجازفة كزيوني واضح وضوح الشمس وموضوع بربع حق تكلفته فوقتنا هذ.

ماتبيش حسبة اعتقد

الي بيتصل يحط فلوسه جمبه 97 الف يعدهم مرتين والثالثة يتصل بيا وانا جاهز لأي نفخ لو انت جاد وناوي وبتشري نتحملك

Click to show phone number.. 09266040XX